Ferðafélagið Hörgur heimasíða

 
 
 
clockhere

Nafn:

Ferðafélagið Hörgur

Farsími:

6907792 Gestur Hauksson umsjónarmaður Baugasels

Afmælisdagur:

Stofnað 23. júní 1981

Heimilisfang:

Laugaland 601 Akureyri

Staðsetning:

Hörgársveit

Heimasími:

Formanns 5885368 / 8972888

Um:

Vefstjóri heimasíðunnar er: Guðmundur Skúlason sími 8461589

Kennitala:

621295-2769

Bankanúmer:

1187-26-3773

Tenglar

 

2003 og 2004


    Starfsskýrsla formanns, fyrir árin 2003 og 2004

 

Síðasti aðalfundur var haldinn í maí 2003, þannig að starfsskýrsla þessi nær í raun yfir tvö sumur. Starfsemi Ferðafélagsins er svipuð frá ári til árs og aðalstarfstíminn er á sumrin. Sömu viðburðir hafa verið bæði árin, fastir viðburðir til margra ára

 

Árið 2003 voru viðburðirnir gönguferð í Baugasel á sumardaginn fyrsta, sólstöðuganga á Staðarhnjúk með 42 þátttakendum og Jónsmessuvaka í Baugaseli 23. júní. Þorvaldsdalsskokkið var haldið í 10. sinn með viðhöfn og voru keppendur 45 og var metið bætt og var tími methafans 2 tímar og 4 sekúndur. Pílagrímsganga var frá Dalvíkurkirkju að kirkjunni á Kvíarbekk í Ólafsfirði og var þá fetað í fótspor Stefáns Stefánssonar skólameistara. Þátttakendur voru 18 og tók gangan 6 tíma og tóku ábuendur á Kálfsá á móti okkur með kaffisopa og fræðslu í Kvíarbekkjarkirkju. Í minningarskákmótinu voru 12 keppandur. 

 

Fyrsta ferð félagsins árið 2004 var ganga í Baugasel á sumardaginn fyrsta, 22. apríl og voru þátttakendur einungis 3. Næst var sólstöðuganga á Staðarhnjúk 21. júní og voru þátttakendur 17. Jónsmessuvaka var í Baugaseli 23. júní og var færra fólk en oft áður, enda viðraði illa. Þá var Þorvaldsdalsskokkið þreytt 3. júlí og voru þáttakendur færri en áður, einungis 15 og var sá sem hraðast hljóp 2 tíma og 20 mínútur.

 

 

 Félagið hefur gengist fyrir pílagrímsgöngum undanfarin ár þar sem gengið er að einhverjum kirkjustað í ímynduð fótspor einhvers manns og er þá ævi hans rifjuð upp. Nú var gengið frá Myrká í Hörgárdal að Bakka í Öxnadal í fótspor Páls Jónssonar sem var síðasti prestur sem sat á Myrká. Þátttakendur voru 12 og tókst gangan mjög vel, enda umhverfið stórbrotið. Minningarskákmót um Steinberg Friðfinnsson var haldið í Baugaseli 18. júlí og voru þátttakendur 11.  Formlegir viðburðir eru þar með upp taldir, og má segja að félagið haldi í horfinu. Félagsmönnum fækkar heldur og þátttaka í viðburðum er enn viðunandi, en endurnýjun er lítil. Nú á haustdögum fór formaður á fund í Reykjavík þar sem boðaðir voru formenn allra deilda Ferðafélags Íslands. Fundinum stýrði nýr formaður Ferðafélags Íslands, Ólafur Örn Haraldsson. Stærri deildirnar og Ferðafélag Íslands eru með mikil umsvif, miklu meiri en við í okkar litla bændasamfélagi gætum ráðið við. Hins vegar sýndist mér þessi miklu umsvif kalla á rekstur sem gæti orðið nokkuð þrúgandi.

 

Á þessum aðalfundi skulum við ræða og skipuleggja starfsemi félagsins á næsta ári.

 

Ég vil loks þakka samstarfsmönnum og ferðafélögum fyrir samstarfið.

 

Bjarni E. Guðleifsson 

Flettingar í dag: 28
Gestir í dag: 11
Flettingar í gær: 42
Gestir í gær: 12
Samtals flettingar: 167799
Samtals gestir: 39832
Tölur uppfærðar: 11.12.2017 09:16:36