Ferðafélagið Hörgur heimasíða

 
 
 
clockhere

Nafn:

Ferðafélagið Hörgur

Farsími:

6907792 Gestur Hauksson umsjónarmaður Baugasels

Afmælisdagur:

Stofnað 23. júní 1981

Heimilisfang:

Laugaland 601 Akureyri

Staðsetning:

Hörgársveit

Heimasími:

Formanns 5885368 / 8972888

Um:

Vefstjóri heimasíðunnar er: Guðmundur Skúlason sími 8461589

Kennitala:

621295-2769

Bankanúmer:

1187-26-3773

Tenglar

 

Árið 1992


    Ársskýrsla formanns, fyrir árið 1992.

 
    Þessi ársskýrsla verður í styttra lagi og kemur tvennt til. Í

    fyrsta lagi er óvenjustutt á milli aðalfunda vegna þess að síðasti

    fundur var ekki fyrr en 30. október, en þá var Barkárbrúin vígð. Í

    öðru lagi hefur lítið gerst á þeim tíma sem síðan er liðinn.

 

    Þó er rétt að nefna það sem gerðist, en 23. nóvember var farið í

    Baugasel til kvöldvöku og spiluðu eitthvað á annan tug manna sér

    til ánægju það kvöldið. Hinn 9. apríl var svo efnt til gönguferðar

    í Baugasel og voru þáttakendur 12 og hrepptu þeir ljómandi

    gönguveður. Fleiri voru viðburðirnir ekki. Á síðasta aðalfundi

    ræddum við nokkuð um hugsanlegar ferðir, meðal annars

    Drangeyjarferð sem ekki gat orðið af á þessu vori. Stjórnin hefur

    ekki gert áætlanir fyrir sumarið, en hyggst ræða það á þessum

    fundi. Eini fasti liðurinn er Jónsmessuvakan að kvöldi 23. júní

 

    Aðkoma að Baugaselsbænum hefur verið sæmileg og hefur hann

    talsvert verið heimsóttur. Á aðalfundinum síðasta ræddum við

    einnig nokkuð um framkvæmdir tengdar bænum, en enn hefur fátt

    gerst. Þó ber þess að geta að Ari Friðfinnsson mjókkaði rúmin í

    bænum í samræmi við það sem um var talað og nú eru komnar dýnur í

    rúmin fjögur þannig að gistiaðstaðan hefur batnað mjög. Annað eru

    bara ráðagerðir enn sem komið er.

 

    Þess má loks geta að brúarsmíðin í fyrra var félaginu nokkuð

    kostnaðarsöm, en efniskostnaði deildum við með landeigendum, en 

    vinnuna gáfu sjálfboðaliðar. Við sóttum í fjallvegasjóð um

    efniskostnaðinn og vel það, og höfum nú fengið upplýsingar um að

    Vegagerðin hefur veitt okkur fjárhæð sem svarar megninu af

    efniskostnaðinum.

 

    Lengri verður þessi skýrsla ekki. Ég læt í ljós vonir um

    skemmtilegt ferðasumar og þakka öllum félagsmönnum fyrir

    samvinnuna.
 

 

    Möðruvöllum 13. júní 1992

 

    Bjarni E. Guðleifsson

Flettingar í dag: 16
Gestir í dag: 13
Flettingar í gær: 1
Gestir í gær: 1
Samtals flettingar: 154992
Samtals gestir: 36699
Tölur uppfærðar: 26.3.2017 09:13:17