Ferðafélagið Hörgur heimasíða

 
 
 
clockhere

Nafn:

Ferðafélagið Hörgur

Farsími:

6907792 Gestur Hauksson umsjónarmaður Baugasels

Afmælisdagur:

Stofnað 23. júní 1981

Heimilisfang:

Laugaland 601 Akureyri

Staðsetning:

Hörgársveit

Heimasími:

Formanns 5885368 / 8972888

Um:

Vefstjóri heimasíðunnar er: Guðmundur Skúlason sími 8461589

Kennitala:

621295-2769

Bankanúmer:

1187-26-3773

Tenglar

 

Árið 2013

    

Starfsskýrsla formanns fyrir árið 2013

Síðasti aðalfundur félagsins var haldinn þann 23. apríl 2013 í Leikhúsinu á Möðruvöllum. Gestur Hauksson var endurkjörinn í stjórn félagsins. Stjórnin er óbreytt frá fyrra ári; Arnar Pálsson er formaður, Guðmundur Skúlason ritari og Gestur Hauksson gjaldkeri. Á fundinum voru kynnt drög að ferðaáætlun ársins 2013.

 

Gönguferðir 2013

Þann 25. apríl, sumardaginn fyrsta, gengu 10 manns á gönguskíðum upp í Baugasel í góðu veðri og reyndist hitastigið vera um og yfir frostmark. Þegar í Baugasel var komið lét sólin sjá sig og ferðamenn drukku kakó og borðuðu nesti í blíðunni.

25 manns gengu frá Hrauni þann 16. júní upp að Hraunsvatni í blíðskaparveðri í tengslum við Fífilbrekkuhátíðina sem haldin er að Hrauni. Gengin var stikuð leið sem liggur frá Hrauni, að Hraunsvatni og aftur að Hrauni. Tók gangan um 4 tíma. Þetta er mjög falleg leið, fólk er vanara að ganga frá Hálsi en það má hiklaust mæla með þessari leið. Reyndar er svolítið erfitt færi yfir hraunið á leiðinni til baka en þar mun líklega myndast slóð með tímanum.

Þann 23. júní var haldin árleg Jónsmessuvaka í Baugaseli. 32 voru mættir til leiks, voru þar lesnar vísnagátur, farið var í leiki, sungið og spjallað. Veður var með eindæmum gott, stillt og 12° C hiti. 

Gönguferð á Kistu og Strýtu, sem fara átti laugardaginn 20. júlí  var frestað og var hún sett í ferðaáætlun Hörgs 2014.

Þann 14. ágúst gengu 7 manns frá Steinsstöðum að fossinum Gljúfrabúa. Gengið var að gljúfrinu þar sem það er dýpst og áfram upp með gilinu. Stefnan var tekin á Jónasarlund, farið suður fjallið að merkjum Steinstaða og Þverár, inn í lundinn að sunnan og gegnum hann. Síðan var gengið að bílunum aftur eftir gamla veginum. Í fjallinu var talsvert mikið að berjum sem göngufólk gæddi sér á. Veður var frábært, sunnangola við upphaf ferðar en lægði fljótt og var logn í lundinum, skýjað og 18 gráðu hiti.

15. ágúst var gengið í Hraunshöfðaskál  í  Öxnadal, 10 manns mættu í ferðina. Það var skýjað, hiti 16 gráður og logn, suddi á leiðinni niður og mikið tínt af berjum. Gönguhópurinn var ekki að flýta sér, setið var lengi í skálinni og útsýnisins notið.        

16. ágúst gengu sex manns í Heljarskál. Gengið var frá Miðlandi í hægviðri, skýjað var og hiti 12 gráður. Ferðin tók 5 tíma og var farið upp í jökulrætur í botni skálarinnar. Úði á leiðinni niður og þegar niður var komið var komin þoka í skálina.

Dagsferð til Siglufjarðar sem átti að vera þann 17. ágúst var aflýst vegna þáttökuleysis en einn skráði sig í þessa ferð.

 

 

Ferðaáætlun ársins 2014

 

Baugasel 1 skór

24. apríl, mæting kl. 10 við Bug. Gengið, eða farið á skíðum, inn Barkárdal að torfbænum Baugaseli. 6 km.

 

Fífilbrekkuhátíð að Hrauni í Öxnadal 2 skór

14. júní, mæting kl. 9 við Hraun. Samstarf við Ferðafélag Akureyrar.

 

Sólstöðuganga á Staðarhnjúk í Möðruvallafjalli 2 skór

21. júní, mæting kl. 20 við Möðruvelli 3.

 

Jónsmessuvaka í Baugaseli í Barkárdal

23. júní, mæting kl. 20 við Bug.

 

Kista og Strýta 3 skór

19. júlí, mæting kl. 9 við Ytri-Bægisá. Gengið um Húsárskarð á Kistu og Strýtu. Komið við í Vindheimaborg á heimleið.

 

Hámundarstaðaháls 1 skór 

13. ágúst, mæting kl. 17 á Hámundarstaðahálsi. Gengið um hálsinn og ýmis kennileiti skoðuð.

 

Moldhaugnaháls 2 skór 

14. ágúst, mæting kl. 17 við Þórustaðarrétt á Moldhaugnahálsi

 

Auðnaháls, Bakkaháls og Staðartunguháls 2 skór 

15. ágúst, mæting kl. 17 við Hraun.

Flettingar í dag: 28
Gestir í dag: 11
Flettingar í gær: 42
Gestir í gær: 12
Samtals flettingar: 167799
Samtals gestir: 39832
Tölur uppfærðar: 11.12.2017 09:16:36